خطوره الانترنت

السلام عليكم ..
هكلم معاكم النهارده في موضوع مهم جداا من وجهه نظري

وهو عن خطوره الانترنت

طبعا كلنا عارفين ان الانترنت ليه فوائد كتير كلنا عارفينها

ولكن للاسف في اضرار لاتحصي ويمكن اخطرهم ان الانترنت

يتحول للادمان ده غير اهمال الحياه الاجتماعيه

خطوره الانترنت والتحول الى ادمان

حيث يتحول المستخدم للانترنت من مجرد تسليه وترفيه على الانترنت

ومعرفه الجديد من اصدقاءه او من الشبكه نفسها الى "مدمن انترنت"

ويتحول تدريجيا الى مرض اشباع كل حاجته من الانترنت

مش بس وكده ده كمان بيهمل حياته الاجتماعيه

والانترنت بيقلل من وجوده مع اقاربه"زيارات عائليه" بداعى انه بيتكلم معاهم عالميل او بشكل اخر

ودى من اهم النقط اللى انا كنت عايز اتكلم فيها ان كثيرا مما يستخدمون الانترنت ويدمنوه

هم اصحاب مرض "العدم اجتماعيه" مع العائله والاقارب والاصدقاء
-
وغير كده الانترنت مع ادمانه بيجبر المستخدم انه يقلل او يمنعه

من انشطته الاجتماعيه والرياضيه

ما يؤدي إلى انخفاض مهارات التواصل الاجتماعي مع الآخرين
-
يمكن الى خلاني اكتب الموضوع ان حصلي موقف غريب جداا

مع قريبتى اللى تقريبا لسه عارفها بقالي فتره قليله "بسبب مشاكل عائليه "

يعنى كان كل ما احاول اتكلم معاها الاقيها بترد على اد السؤال ومش متجاوبه خالص

وغير ان مامتها قالتلى هي مش بتتكلم كتير ومش اجتماعيه خالص

وصدفه ضافتنى عالفيس بووك ولقيتها بتتكلم معايا وبتهزر ويمكن بنتكلم زي اتنين اصحاب لدرجه انى مصدقتش ان هى"قريبتى"
"
اصابنى الذهول ان الانترنت ممكن يقرب ما بين اتنين بس لما يكونوا مع بعض ميقدروش يتواصلوا اجتماعيا يبقي الانترنت فعلا وحش ورجعنا لورا مش قدمنا لقدام
-
فهل الانترنت اصبح مشكله جديده فحياتنا

ولا اصبح حل لمشكله{[ العدم اجتماعيه]}
-
اخيراا

معلش طولت عليكم بس يهمنى كتير اعرف رأيكم ف الموضوع