اسمعوا الحوار دا وقولولى ايه رأيكو ؟؟

امل وأحمد واقفين في عز الضهر علي الكوبري

امل: "برومانسية" شايف النجوم يا أحمد

أحمد...: نجوم ايه بس في عز الضهر دا أنا الشمس حرقت قفايا
......
امل: الله ياأحمد بص السحابة اللي هناك دي اللي عليها العصافير

أحمد: لا والله ياحبيبتي أنا مش شايفها بس شايف دخان عربيات خنقني

امل: يووووووووووووه يا أحمد خليك رومانسي شوية

أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

امل: انت مش بتحبني والا ايه

أحمد: ياستي بحبك

امل: لأ انت كذاب انت مش بتحبني

أحمد: يعني أولع في نفسي بجاز عشان تصدقي اني بحبك

امل: "والدموع علي خدها" لا يا أحمد أنت تغيرت خالص

أحمد: ياحبيبتي والله بحبك

امل: لأ يا أحمد متصلحش اللي أنت عملته

أحمد: وهو أنا كنت عملت إيه بس

امل: " تعيط" اهئ اهئ اهئ

أحمد: بتعيطي ليه دلوقت

امل: أحمد طلقني يا أحمد

أحمد: هو احنا لسة اتجوزنا عشان اطلقك

امل: يعني كمان مش عايز تطلقني

أحمد يشد في شعره: يادي الليلة السودا أنا ايه اللي خرجني بس

امل: كمان خليتها ليلة سودا.. يعني أنا اللي خرجتك غصب عنك

أحمد: ياستي مش قصدي. بصي أنا مش هرد عليكي عشان مانتخانقش

امل: للدرجة دي قرفان مني

أحمد: "وشه يحمر من الغيظ" يعني انتي عايزة تتخانقي وخلاص

امل: يعني أنا نكدية يا أحمد

أحمد: لأ...... أنا

امل: انت بتاخدني علي اد عقلي

أحمد: حقك عليا وادي رأسك ابوسها

امل: ياسلام كده بكل بساطة

فجأة يقف أحمد علي سور الكوبري ويرمي نفسه في الميه

امل: تفتكر يا أحمد اني كده هسامحك

هههههههههههههههههه جميله جدا ميرسى اوى اوى

هههههههههههههههههه

حلوة اوى والله احمد صعب عليا

ههههههههههههههههههه وانا كمـــــــــان صعــب عليــا اوى اوى